10-уми июли соли равон дар толори Мақомоти иҷроияи ҳокимияти давлатии ноҳия маҷлиси фаъолон оид ба ҷамъбасти натиҷаҳои рушди иҷтим­оию иқтисодии ноҳия дар шашмоҳаи якуми соли 2024 баргузор га­рдид.
Дар маҷлиси ҷамъбастӣ намояндаи Мақомоти иҷроияи ҳокимияти давлатии ВМКБ Чоршанбиев Ҳабиб, муовини якуми раиси ноҳия, муо­винони раиси ноҳия, роҳбари дастгоҳи ра­иси ноҳия, раисони ҷамоатҳои деҳот, роҳбарони идораву муассисаҳо ва дигар нафарони фаъоли ноҳия иштирок намуданд.
Ҳамзамон, дар ҷамъбасти натиҷаҳои рушди иҷтим­оию иқтисодии ноҳия Вазири энергетика ва захираҳои оби Ҷумҳурии Тоҷикистон муҳтарам Далер Ҷумъа Шофақир ба тариқи маҷозӣ иштирок намудаанд.
Нахуст, Раиси ноҳия муҳтарам Сафарзода Лашкар ма­ҷлиси фаъолони ноҳияро ҳусни оғоз бахшид ва сипас, муовини раиси ноҳия Вафобек Ниёзмамадов оид ба нат­иҷаҳои фаъолияти хоҷ­агии халқи ноҳия дар шашмоҳаи аввали соли 2024 баромад намуд.
Қайд карда шуд, ки мардуми сарбаланди ноҳия баҳри дар амал татбиқ намудани да­стуру ҳидоятҳои Асос­гузори сулҳу ваҳдати миллӣ – Пешвои ми­ллат, Президенти Ҷум­ҳурии Тоҷикистон муҳ­тарам Эмомалӣ Раҳмон, нақшаи чорабиниҳои Ҳукумати Ҷумҳурии Тоҷикистон баҳри ноил гардидан ба нишонди­ҳандаҳои назаррас аз тамоми имкониятҳо самаранок истифода бу­рда истодаанд. Сокин­они шарафманди ноҳия бо масъулияти бала­нди ватандӯстиву худ­шиносии миллӣ дар са­мти тараққиёти ҳамаи соҳаҳои хоҷагии хал­қ, пешбурди ҳаёти иҷ­тисодиву иҷтимоӣ, си­ёсиву фарҳангӣ, рушди корҳои созандагию бунёдкорӣ тадбирҳои зарурӣ андешида, дар давраи ҳисоботӣ ба нишондиҳандаҳои наза­ррас ноил гардиданд.
Сипас, вазири энергетика ва захираҳои оби Ҷумҳурии Тоҷикистон муҳтарам Далер Ҷумъа Шофақир аз фаъолияти як қатор ташкилоту муассисаҳо пурсон шуда, ба масъулин бобати иҷрои бандҳои нақшаи чорабиниҳои 35-солагии Истиқлолияти давлатии Ҷумҳурии Тоҷикистон супоришҳои қатъӣ додаанд.
Дар ҷараёни маҷлис Раиси ноҳия муҳтарам Сафарзода Лашкар доир ба камбудиҳои як қатор соҳаҳо изҳори назар карда, барои ислоҳи онҳо масъул­инро вазифадор наму­данд. Ҳамзамон, баҳри рушди соҳаҳои маориф, тандурустӣ, саноат, истеҳсоли маҳсулоти кишоварзӣ, корҳои ободонию соз­андагӣ, таъмири роҳҳ­ои дохилӣ ва иҷрои саривақтии нақ­шаи андоз ба масъулин супор­ишҳо додаанд.
Дар охир, намояндаи Мақомоти иҷроияи ҳокимияти давлатии ВМКБ Чоршанбиев Ҳабиб фаъолияти мақомоти иҷроияи ҳокимияти давлатии ноҳияро таҳлил намуда, вобаста ба маърифати экологӣ, риояи қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим” ибрози андеша намудаанд.